२९ मंसिर, काठमाडौं । नेपाली कांग्रेसकी सांसद रमा कोइराला पौड्याल नियमित संसद् बैठकमा उपस्थित हुन्छिन् र समय लिएर धेरैजसो दिन बोल्छिन् पनि । संसदीय अखिलेख अनुसार प्रतिनिधिसभाको दोस्रो अधिवेशनमा उनको हाजिरी शतप्रतिशत छ ।
२४ वैशाख २०८० देखि १६ कात्तिक २०८० सम्म दोस्रो अधिवेशन चल्यो । यो बीचमा ६१ दिन बैठक बस्यो । यी ६१ दिनमा संसद्मा शतप्रतिशत उपस्थित हुने सांसदको संख्या ९ छ । कोइराला तीमध्ये एक हुन् ।
