मंसिर १८, २०७४-सर्लाहीको क्षेत्र ३ बाट प्रतिनिधिसभामा स्वतन्त्र उम्मेदवारी दिएका नरेन्द्र साहको प्रचारमा हिँडेको जिपलाई लक्षित गरी सोमबार बिहान बम विस्फोट गराइएको छ ।
हजारीयावाट क्षेत्रीय सडक हुँदै कर्मैया तफै जाँदै गर्दा पूर्व–पश्चिम राजमार्ग भन्दा तीन किलोमिटर दक्षिण खोल्सी जस्तो ठाउँमा बिहान करिब ७ बजे विस्फोट गराइएको हो । विष्फोट हुँदा प्रचारमा प्रयोग भएको ना२च २०१९ मा चालक मात्र थिए ।
प्रहरीका अनुसार जिपमा बमले उछिट्याएको माटोमात्र लागेको छ । कुनै किसीमको क्षति नभएको प्रहरीले जनायो । बमको टुक्राटाक्रि धेरै पर सम्म पुगेको छ । स्वतन्त्रमा उमेदवारी दिएपनि साह बलिया उमेदवार मानिन्छन् ।
साहले जनताको लहर आफ्नो पक्षमा बढ्दै गएपछि तर्साउने प्रयत्न भएको प्रतिक्रिया दिएका छन् ।
