एमालेका अध्यक्ष एव पूर्वप्रधानमन्त्री केपी शर्मा ओलीको निर्वाचन क्षेत्र झापा ५ र कांग्रेस नेता मीनेन्द्र रिजालको निर्वाचन क्षेत्र मोरङ २को बीचमा चार सय मिटरभन्दा बढी चौडाइ भएको रतुवा खोला छ । विराटनगर–भद्रपुर हुलाकी मार्गमा पर्ने यो खोलाले पूर्वपट्टि झापाकोगौरीगन्ज र पश्चिमपट्टि मोरङको महादेवालाई छोएको छ ।
त्यो बीचको दूरी चार सय मिटर भन्दा बढी छ । तर खोलाको बीच भागमा सात वर्ष पहिला साढे १० करोड रुपैयाँको लागतमा २ सय ५मिटर पक्की पुल निर्माण भएको छ ।
पुलको पूर्व र पश्चिमपट्टि करिब सय/सय मिटर खोला छ । पुल भएको स्थानमा पानी बग्दैन । पुल नभएको दुवैतर्फको भंगालोबाट पानीबग्छ । ती दुई भँगालो तरेर झापावासी मोरङ र मोरङका बासिन्दा झापा आउजाउ गर्न दुईवटा डुंगा (नाउ) चढ्नुपर्ने बाध्यता छ । दुवैतिरकोभंगालोमा एक/एक डुंगा सञ्चालनमा छन् ।
वारिपारिका ती ढुंगा चालकले यात्रुलाई १०, साइकलसहित ३० र मोटरसाइकलबाट ५० रुपैयाँ भाडा लिन्छन् । मोरङतर्फ मनु मण्डल रझापातर्फ गंगा बाबाजीले डुंगा चलाएका छन् । यतिबेला दैनिक सरदर ५/५ हजार रुपैयाँ आम्दानी हुने गरेको उनीहरूको भनाइ छ ।
एक वर्षीय बच्चा च्यापेर मोरङको महादेवावाट गौरीगन्ज माइत हिंडेकी पूजा राजवंशी पनि बुधबार दुई डुंगा चढेर खोला तरिन् ।‘खोलाको बीचमा पुल छ तर भए नभएको अर्थै छैन,’ उनले भनिन्,‘जहा पानी नै बग्दैन त्यहाँ पुल छ, खोलामा ठूलो बाढी आउँदा डुंगालेपनि काम गर्दैन, वारिपारिको सम्बन्ध नै टुट्छ ।’
सडक डिभिजन कार्यालय अर्न्तगतको सुनसरी–मोरङ पुल आयोजनाले ७ वर्षअगाडि १० करोड ४१ लाखको लागतमा खोलाको बीचभागमा २ सय ५ मिटर लम्बाइ र साढे सात फिट चौडाइको पुल बनाएको थियो । उक्त पुल कालिका ओभरसिज प्रालिले २०६५ मानिर्माण सुरु गरेर २०७२ मा पुरा गर्यो तर खोलाको पूर्वपश्चिम सय/सय मिटर खाली छाडेर बीचमा निर्माण गरे पछि स्थानीयले पुलकोसदुपयोग गर्न पाएनन् ।‘खोलाको चौडाइ चार सय मिटरभन्दा बढी छ, सडक विभागले त्योबेला २ सय ५ मिटर मात्र पुलको इस्टिमेट गरेरनिर्माणका लागि ठेक्का लगाउनु नै गल्ती गर्यो,’ रतुवामाई नगरका निवर्तमान प्रमुख रविन राईले भने, ‘अझै पनि पुलको पूर्वपश्चिम करिबसय/सय मिटर सडकलाई तटबन्ध गरेर पुलमा जोड्ने हो भने पुल सञ्चालनमा ल्याउन सकिन्छ ।’ राईका अनुसार सडक विभागलाईपटकपटक सडकलाई तटबन्ध गरेर पुलमा जोडेर पुल सञ्चालनमा ल्याउन आग्रह गर्दा नटेरेपछि सर्वसाधारणलाई पीडा छ ।
