काठमाण्डु, ३ भदौ–एमाले अध्यक्ष केपी ओलीले ४ मंसिरको प्रतिनिधिसभा र प्रदेशसभा सदस्य निर्वाचनमा आफ्नो दलले बहुमत ल्याउनेदाबी गरेका छन् ।
गृहनगर झापाको दमकमा शुक्रबार आयोजित एक कार्यक्रममा ओलीले सत्तारुढ गठबन्धनको पक्षमा जनता नभएको दाबी गरे ।
उनले जतिसुकै दलले गठबन्धन गरे पनि उनीहरुविरुद्ध एमाले एक्लै लड्न सक्षम रहेको उल्लेख गरे । ओलीले गठबन्धनलाई भ्रष्टहरुकोगठजोडको संज्ञा दिँदै जनताले उनीहरुलाई निर्वाचनमा ठेगान लगाउने जिकिर गरे ।
ओलीले पार्टीले बहुमत ल्याउने र आफू फेरि सिंहदरबारको मुल ढोकाबाट छिरेर प्रधानमन्त्री हुने दाबी गरे ।
