दाङको लमही नगरपालिका–६ बेल दमारमा साँझ टिपरको ठक्करबाट घोराही उपमहानगरपालीका–३ बेलुवा घर भएका ५८ वर्षीय बन्धुराम थारुको मृत्यु भएको हो ।
दुर्घटनामा गम्भीर घाइते भएका उनलाई उपचारका लागि अस्पताल लैजादै गर्दा बाटोमै मृत्यु भएको वडा प्रहरी कार्यालय लमही दाङले जनाएको छ । मृत्तक दाङस्थित कृषि ज्ञान केन्द्रका कर्मचारी रहेको जनाइएको छ ।
लमहीबाट घोराही जाँदै गरेको रा१ब ४८७ नम्बरको मोटरसाइकललाई रा१ख १२७१ नम्बरको टिपरले बिहीबार साँझ पौने ६ बजे ठक्कर दिएको थियो । टिपर चालक फरार रहेको र उनको खोजी भइरहेको प्रहरीले जनाएको छ ।
