५ मंसिर, काठमाडौँ।
दक्षिण अफ्रिकाका पूर्व रग्बी खेलाडी हानेस स्ट्राइडमको कार दुर्घटनामा परी मृत्यु भएको छ।
आइतबार एम्पुमलांगा प्रदेशको इमलालेनीस्थित कोइला खानी क्षेत्रनजिकको सडकमा उनको कार मिनिबससँग ठोक्किएर दुर्घटना भएको थियो।
बिबिसीका अनुसार उक्त दुर्घटनामा ५८ वर्षीय स्ट्राइडमको मृत्यु भएको हो।
उनी दक्षिण अफ्रिकाको उत्कृष्ठ रग्बी खेलाडी थिए।
सन् १९९४ मा रंगभेदको अन्त्यपछि सन् १९९५ मा भएको रग्बी विश्वकपको उपाधि उनको टिम स्प्रिङबक्सले जितेको थियो।
जोहानेसबर्गमा भएको फाइनल खेलमा न्युजिल्याण्डलाई १५-१२ ले पराजित गर्दै स्प्रिङबक्सले उपाधि जितेको थियो।
