नयाँदिल्ली । भारतलाई युवा क्रिकेटको विश्व कप उपाधि दिलाएपछि चर्चित भएका भारतका ओपनर ब्याट्सम्यान पृथ्वी शाँ अहिले चर्चाको शिखरमा छन् ।
बिहीबार शुरु भएको वेष्टइण्डिजविरुद्धको घरेलु टेस्टमा सतक बनाएपछि उनी थप चर्चित बनेका छ । सबैभन्दा किशोर उमेरमा टेस्टको डेब्यु इनिंगमा सतक बनाउने रेकर्ड उनले आफ्नो नाममा लेखाएका छन् ।
शाँले १९ वर्ष पुग्न केही दिन बाँकी रहँदा सतक बनाएका हुन् । उनले १०० बलमा सतक बनाउँदा भारतको भविश्यका खेलाडी हुने लय समाते ।
शाँको चर्चा स्कुल क्रिकेटदेखि नै हुँदै आएको थियो । धेरै वर्ष पहिला नै उनी कुनै दिन भारतको सफल क्रिकेट खेलाडी हुने अनुमान पनि गरिएको थियो । क्रिकेटका सबैभन्दा सफल खेलाडी हुन् भारतीय खेलाडी सचि तेन्दुलकर । उनी सचिनले शाँ भविश्यमा भारतीय राष्ट्रिय टिमबाट खेल्ने भनेर करिब ११ वर्ष अगाडी नै भविश्यवाणी गरेका थिए ।
क्रिकेटको क्लासिकल प्रारुप मानिने टेस्ट खेल्नु सबै क्रिकेट खेलाडीको सपना हुन्छ । त्यसमा पनि सतक बनाउनु अर्को सपना हो । नेपाले त अहिलेसम्म टेस्टको मान्यतासमेत पाएको छैन । क्रिकेटको यो सबैभन्दा पुरानो प्रारुपमा खेल्न प्राविधिक, मानिशक र शारिरिक रुपमासमेत खेलाडी फिट हुनुपर्छ । त्यतिमात्र होइन् खेलाडीको टेम्प्रामेन्टसमेत महत्वपूर्ण मानिन्छ ।
यी १९ वर्षे ठिटोले एक अनुभवी खेलाडी जस्तो खेल देखाए बिहीबार भारतको राजकोटमा भएको टेस्टमा । उनले भारतीय इनिंगको शुरुआत गरेका थिए । साथी अर्का ओपनर लोकेश राहुल शून्यमा आउट हुँदा पहिलो खेल खेलिरहेका शाँ भने शान्त देखिन्थे । उनले पहिलो सतक बनाउने क्रममा १५४ बल खेल्दै १३४ रन बनाए । उनले यो ऐतिहासिक इनिंगमा १९ चौका प्रहार गरेका थिए ।
शाँको सतकका मद्दतले भारतले खेलको पहिलो दिन सकिँदा ४ विकेटमा ३७४ रनको विशाल योगफल तयार पारेको छ । भारतका कप्तान विराट कोहली र रिषभ पन्त नटआउट छन् ।
