सीमाक्षेत्रमा पाकिस्तानको दबदबा : भारतीय अधिकारीहरु धमाधम राजीनामा दिन थाले !

नयाँ दिल्ली । भारत र पाकिस्तान विच लामो समयदेखि लडाई चलिरहेको छ । विवादित जम्मु काश्मिरलाई लिएर दुवै देश बिच अस्तित्वको लडाई चलिरहेको छ । दुई देश बिचको स्वार्थको लडाइको चपेटामा त्यस क्षेत्रका जनताहरु पर्ने गरेका छन । भारत अधीनस्थ काश्मिरका केही प्रहरी अधिकारीहरुले असुरक्षाको कारण देखाई आफूहरु प्रहरी सेवामा नरहने गरी राजिनामा दिएका छन् । उक्त क्षेत्रका दुई दर्जन प्रहरी अधिकारीले आफ्नो पदबाट राजिनामा दिएका भारतीय सञ्चारमाध्यमहरुले जनाएका छन् । पछिल्ला समयमा सशस्त्र हतियारधारी समूहका तर्फबाट भारतीय प्रहरीमाथि आक्रमण बढेको भन्दै उनीहरुले प्रहरी सेवा छोड्न इच्छुक रहेको बताएका हुन् । उक्त क्षेत्रमा पछिल्लो समयमा अज्ञात समूहले आक्रमण बढाएका छन् । पछिल्ला केही दिनयता प्रहरीमाथि ती समूहले गरेका आक्रमणबाट तीनजना वरिष्ठ प्रहरी अधिकारी मारिएका छन् । प्रहरीमाथिको सो हमलापछि पछिल्लो समयमा प्रहरीमा असुरक्षाको त्रास बढेको र जसका कारण प्रहरी अधिकारीहरु नै प्रहरी सेवामा रहेर काम गर्न नसक्ने बताउन थालेका छन् । तर भारतको गृह मन्त्रालयले भने सो समाचारको खण्डन गरेको छ । उक्त मन्त्रालयले प्रहरी अधिकृतहरुबाट त्यस्तो राजिनामा नआएको जनाएको छ । भारतीय प्रहरीका अधिकारीहरुले आफूहरुले असुरक्षाका कारण काश्मिरमा काम गर्न नसकेको भन्दै यस जागिरबाट आफूहरुलाई मुक्ति चाहिएको भिडियो सार्वजनिक गरेका छन् उक्त भिडियोले सामाजिक सञ्जालमा व्यापकता पाएपछि मन्त्रालयको तर्फबाट यो प्रतिक्रिया आएको हो । भारतको गृह मन्त्रालयले शनिबार एक विज्ञप्ति प्रकाशन गरी यस समाचारको खण्डन गरेको जनाइएको छ । उक्त मन्त्रालयले ती प्रहरी अधिकारीले प्रहरी सेवामा रहेर काम गर्न इच्छुक नरहेको भनी दिएको भनिएको राजिनामालाई एउटा गलत समाचार भनेको छ । यो समाचार काश्मिरमा रहेर काम गरिरहेका सुरक्षा निकायका विरुद्धमा आएको एउटा ‘प्रोपागाण्डा’ भनी भारतीय गृह मन्त्रालयले शनिबार जनाएको छ । तर पनि शनिबारका भारतीय अखबारहरुमा भने यो समाचार निकै प्राथमिकताका साथ आएको जनाइएको छ ।